დიდ ბრიტანეთს ურჩევნია, რუსეთთან კომუნიკაციის დამატებითი არხები ჰქონდეს, კერძოდ, სამხედრო უწყებების დონეზე, რათა არასწორი გათვლების რისკი შემცირდეს. ამის შესახებ დიდი ბრიტანეთის თავდაცვის მინისტრმა უეს სტრიტინგმა Financial Times-თან ინტერვიუში განაცხადა. 

მინისტრის განცხადებები იმ ფონზე კეთდება, რაც რუსი და უკრაინელი ოფიციალური პირები არაბთა გაერთიანებულ საამიროებში აშშ-ის შუამავლობით ორდღიანი სამშვიდობო მოლაპარაკებებისთვის შეიკრიბნენ.

„ჩვენ გვაქვს საელჩო მოსკოვში. ეს მნიშვნელოვანი არხია... ბევრად უმჯობესი იქნებოდა, რომ გვქონდეს დამატებითი არხები, განსაკუთრებით სამხედრო უწყებების დონეზე“, - აღნიშნა სტრიტინგმა.

„არასწორი გათვლების რისკი ყოველთვის არსებობს და სწორედ ამიტომ არის მნიშვნელოვანი კომუნიკაციის ასეთი პირდაპირი არხის ქონა“, - დასძინა მან.

მოსკოვსა და ევროპის დედაქალაქების უმეტესობას, კერძოდ, ლონდონს შორის ურთიერთობები 2022 წლის თებერვალში უკრაინაში რუსეთის სრულმასშტაბიანი შეჭრის დაწყების შემდეგ გაყინულ მდგომარეობაშია.