Deep State: რუსეთის არმია ორ მიმართულებით წინ წავიდა
რუსული ძალები ფრონტზე ზეწოლას აგრძელებენ და ბოლო 24 საათის განმავლობაში ორ რეგიონში - ხარკოვსა და დონეცკში - წინ მიიწევენ, - ამის შესახებ Deep State-ის ანალიტიკოსები იუწყებიან.
ინფორმაციაში აღნიშნულია, რომ მოწინააღმდეგე ხარკოვის ოლქში ვოლჩანსკი ხუტორის, დონეცკის ოლქში იაბლუნივკასა და ორეხოვოს მახლობლად წინ წავიდა.
ამავდროულად, ომის შესწავლის ინსტიტუტის ანგარიშში ნათქვამია, რომ უკრაინის შეიარაღებულმა ძალებმა ბოლო დროს წინსვლა განახორციელეს სუმისა და ხარკოვის ოლქებში, ხოლო რუსებმა წინსვლას მიაღწიეს დონეცკის რეგიონში.
„უკრაინის ჯარები ბოლო დროს წინ მიიწევენ სუმის ოლქის ჩრდილოეთით, ლიმანის მახლობლად. რუსული ჯარები ბოლო დროს წინ მიიწევენ სივერსკის, ტორეცკის, ნოვოპავლოვსკისა და ველიკი-ნოვოსელკას მახლობლად“, - იუწყებიან ანალიტიკოსები.
კერძოდ, უკრაინის დაზვერვასთან დაკავშირებული წყაროები იუწყებოდნენ, რომ უკრაინულმა ჯარებმა ხელახლა დაიკავეს კინდრატივკა, რომელიც სუმის ჩრდილოეთით მდებარეობს. ხოლო რუსეთის სამხედრო დაზვერვის ერთ-ერთმა ოფიცერმა განაცხადა, რომ უკრაინის შეიარაღებულმა ძალებმა კონტრშეტევა განახორციელეს ვარაჩინეს, სადკივსა და იუნაკოვკას მახლობლად.
ხარკოვის რეგიონში რუსული ჯარები ხარკოვის ქალაქიდან ჩრდილო-აღმოსავლეთით დაიძრნენ.
დონეცკის ოლქში რუსეთის არმიამ გააძლიერა შეტევითი ოპერაციები სივერსკის, ტორეცკის და ნოვოპავლოვსკის მიმართულებით. რუსეთის ჯარებმა, ასევე, განაგრძეს შეტევითი ოპერაციები კუპიანსკის მიმართულებით, მაგრამ წინსვლა არ განხორციელებულა.
ამავდროულად, გეოლოკაციის მონაცემები მიუთითებს უკრაინული ჯარების წინსვლაზე ველიკი-ბურლუკის ჩრდილო-აღმოსავლეთით, ასევე, დიბროვას სამხრეთით სერებრიანსკის ტყეში.
