ესპანური მედიის ინფორმაციით, ბარსელონის ცენტრში სოციალური ქსელებით ორგანიზებული ახალგაზრდების საპროტესტო აქცია კატალონიის პოლიციასთან შეტაკებაში გადაიზარდა.

მედიის ცნობით, ათობით ახალგაზრდა კატალონიის მოედანზე შეიკრიბა. აქციის მონაწილეებმა მაღაზიები გაძარცვეს, ნაგვის ურნებს ცეცხლი წაუკიდეს და ქუჩის ინვენტარი დააზიანეს. დემონსტრანტებმა პოლიციელებს ქვები და მძიმე საგნები ესროლეს.

აქციის მონაწილეებმა დააზიანეს და გაძარცვეს 14 მაღაზია, ააგეს ბარიკადები და ცეცხლი წაუკიდეს 30-ზე მეტ ნაგვის ურნას.

სამართალდამცველებმა რამდენიმე პირი დააკავეს.

არეულობის გამო პოლიციამ მოედანზე შესასვლელები ჩაკეტა, მიმდებარე ტერიტორიაზე მდებარე მაღაზიებმა კი უსაფრთხოების მიზნით ჟალუზები ჩამოსწიეს. კატალონიის პოლიციამ მოქალაქეებს მოუწოდა, კატალონიის მოედნის მიმდებარე ტერიტორიას მორიდებოდნენ, რადგან იქ ძალადობრივი ჯგუფები იმყოფებოდნენ.

🚨 Aldarulls al centre de Barcelona en el marc d'una protesta convocada per suposats estudiants a través de les xarxes socials 🚔 Els Mossos han efectuat càrregues per dispersar els concentrats i alguns esvalotadors han fet destrosses a vehicles, comerços i mobiliari urbà https://t.co/W3jLbZRjoi

— RTVE Notícies (@rtvenoticies) October 24, 2026