კიევის საქალაქო სახელმწიფო ადმინისტრაციის შენობასთან ვიტალი კლიჩკოს გადადგომის მოთხოვნით საპროტესტო აქცია მიმდინარეობს. ინფორმაციას უკრაინული მედია ავრცელებს. 

პოლიციის ინფორმაციით, აქციაში დაახლოებით 200 ადამიანი მონაწილეობს.

პროტესტის მონაწილეებს ხელში უჭირავთ პლაკატები წარწერებით: „კლიჩკო, ფორიაქს აზრი აღარ აქვს, დამშვიდობების დროა“, „კიეველები კლიჩკოს ქალაქის დატოვებისკენ მოუწოდებენ“ და „თქვენი ამოცანაა, კიევი უსაფრთხო, მწვანე და ისტორიული გახადოთ და არა დაცარიელებული“. აქციის მონაწილეები სკანდირებენ: „გადადგეს!“

ერთ-ერთმა მონაწილემ UP-ის კორესპონდენტს განუცხადა, რომ კლიჩკომ თანამდებობა უნდა დატოვოს, რადგან ქალაქში არსებულ ვითარებას ვერ აკონტროლებს. 

ამასთან, აქციაზე იმყოფებიან მოქალაქეები, რომლებსაც საპირისპირო პოზიცია აქვთ. აქციის ერთ-ერთ მონაწილეს უჭირავს პლაკატი წარწერით: „შეაჩერეთ ზელენსკი! კლიჩკოს თავი დაანებეთ!“. იგი მიიჩნევს, რომ ზელენსკის არ აქვს კლიჩკოს თანამდებობიდან გადაყენების უფლება.