აშშ-ის პრეზიდენტის დონალდ ტრამპის რეიტინგმა 2025 წლის იანვარში თეთრ სახლში დაბრუნების შემდეგ ყველაზე დაბალ ნიშნულს მიაღწია, - ამის დამადასტურებელია კომპანია SSRS-ის მიერ ჩატარებული და ტელეარხ CNN-ის დაკვეთით ჩატარებული გამოკითხვა.

გამოკითხვაში ტრამპის მოწონების რეიტინგი 37%-ია, რაც CNN-ის გამოკითხვებში მისი მეორე ვადის ყველაზე ცუდი მაჩვენებელია.

გამოკითხვის მონაცემებით, პრეზიდენტის ქმედებების არ მოწონების დონემ 63%-ს მიაღწია, რაც ტრამპის ორივე საპრეზიდენტო ვადის განმავლობაში ყველაზე მაღალი მაჩვენებელია.

გარდა ამისა, გამოკითხულთა 61% მიიჩნევს, რომ ტრამპის პოლიტიკამ გააუარესა ეკონომიკური მდგომარეობა შეერთებულ შტატებში, 56% მიიჩნევს, რომ მისმა საგარეო პოლიტიკურმა გადაწყვეტილებებმა ზიანი მიაყენა შეერთებული შტატების სტატუსს მსოფლიოში და 57% ფიქრობს, რომ ის ძალიან შორს წავიდა შეერთებულ შტატებში არალეგალურად მცხოვრები იმიგრანტების დეპორტაციით.

CNN-ის მიერ არსებული გამოკითხვების ანალიზის საფუძველზე გამოთვლილი ტრამპის საშუალო მოწონების რეიტინგი 41%-ს შეადგენს, თუმცა ბოლო თვეების განმავლობაში ისიც კლებულობს.

SSRS-ის კვლევა ჩატარდა ონლაინ და ტელეფონით 27-დან 30 ოქტომბრის ჩათვლით.