1791211940
უცხოეთი
ბრიტანეთის პოლიციამ ანტიიმიგრაციული აქციის შემდეგ 12 ადამიანი დააკავა
დიდ ბრიტანეთში 12 ადამიანი დააკავეს იმიგრაციის საწინააღმდეგო საპროტესტო აქციის შემდეგ.
როგორც მედია წერს, დემონსტრანტები გოსპორტში, ნავმისადგომთან შეიკრიბნენ, მას შემდეგ, რაც გავრცელდა ინფორმაცია, რომ ხელისუფლება 149 მიგრანტით სავსე ნავის ჩამოსვლისთვის ემზადებოდა.
საპროტესტო აქციაზე დაახლოებით 350 ადამიანი შეიკრიბა. აქციის მონაწილეებმა გამოიყენეს მაშხალები და დაუპირისპირდნენ სამართალდამცველებს.
პოლიციამ დაადასტურა, რომ მათ 12 ადამიანი დააკავეს.
ადგილზევე აღმოუჩინეს დახმარება მცირე რაოდენობის პოლიციელებს დაზიანებების გამო.
ყველა დაკავებული პირი კვლავ პატიმრობაში რჩება.
