პუტინი კმაყოფილი იქნება ევროპული საბჭოს გადაწყვეტილებით, - ამის შესახებ დიდი ბრიტანეთის ყოფილი პრემიერ-მინისტრი ბორის ჯონსონი სოციალურ ქსელში წერს.

მისი თქმით, 90 მილიარდი ევროს სესხი, რომელზეც ევროპულ საბჭო შეთანხმდა, სულ არაფერს ჯობია. 

„ვშიშობ, რომ პუტინი კმაყოფილი იქნება ევროპული საბჭოს გადაწყვეტილებით. მან ეფექტურად დააშინა ევროკავშირი და დიდი ბრიტანეთი, რათა უარი ეთქვათ უკრაინის დასაფინანსებლად არსებულ არაჩვეულებრივ გეგმაზე. რეპარაციული სესხი პუტინის გაყინული აქტივებიდან უზარმაზარ თანხებს გაათავისუფლებდა მორალურად და იურიდიულად გამართლებული გზით. ეს უკრაინელებს საშუალებას მისცემდა, რომ საკუთარი თავი კიდევ ბევრი წელი დაეცვათ.

დიდი სირცხვილია, რომ მათ ხელი შეუშალეს ევროკავშირის წევრმა სხვა ქვეყნებმა, მათ შორის, სამწუხაროდ, ზოგიერთმა ქვეყანამ, რომლებშიც გასულ საუკუნეში რუსეთი შეიჭრა“, - წერს ჯონსონი.

დიდი ბრიტანეთის ყოფილი პრემიერ-მინისტრი ასევე უკმაყოფილოა მისი ქვეყნისა და ამჟამინდელი პრემიერ-მინისტრის, კირ სტარმერის პასიურობით. 

როგორც ჯონსონი წერს, დიდ ბრიტანეთს 15 მილიარდი ფუნტის რუსული გაყინული აქტივები აქვს, რომლის გამოყენებაც გვიანი არაა.

I am afraid Putin will be quietly pleased with the results of the European Council. He has effectively intimidated the EU - and the UK - into dropping an excellent plan to fund Ukraine. The reparations loan would have liberated huge sums from Putin’s frozen assets in a way that…

— Boris Johnson (@BorisJohnson) December 19, 2025