1762170322
უცხოეთი
Bloomberg-ი: დიდმა ბრიტანეთმა უკრაინას Storm Shadow-ს რაკეტები გადასცა
Bloomberg-ი ინფორმირებულ წყაროებზე დაყრდნობით იუწყება, რომ დიდმა ბრიტანეთმა ცოტა ხნის წინ უკრაინას Storm Shadow-ს რამდენიმე რაკეტა გადასცა.
როგორც მედიასაშუალება წერს, მიღებული რაკეტების ზუსტი რაოდენობა არ დაკონკრეტებულა, თუმცა ახალი მარაგები უკრაინას მთელი ზამთრის განმავლობაში უნდა ეყოს.
„დიდი ბრიტანეთი შიშობს, რომ რუსეთი ამ პერიოდში თავდასხმებს გააძლიერებს“, - წერს მედიასაშუალება.
ლონდონმა კიევს 250 კმ-მდე მოქმედების რადიუსის მქონე Storm Shadow-ს ტიპის ფრთოსანი რაკეტები პირველად 2023 წელს გადასცა.
კიევმა პირველად აღნიშნული რაკეტები რუსეთის სიღრმეში სამხედრო ობიექტებზე იერიშისთვის გამოიყენა.
დიდი ბრიტანეთის ხელისუფლებას არ დაუკონკრეტებია საერთო ჯამში თუ რამდენი რაკეტა გადასცა კიევს.
