ჩინეთი გერმანიისგან იშვიათი ლითონების ექსპორტის სანაცვლოდ, გერმანიის სამრეწველო საიდუმლოებზე წვდომას იღებს. ამის შესახებ Bloomberg-ი იტყობინება.

Bloomberg-ის ცნობით, გერმანია ჩინეთიდან იღებს თავისი იშვიათი ელემენტების დაახლოებით 95 პროცენტს, რომლებიც აუცილებელია ელექტრონიკის, ავტომობილების, იარაღის და სხვა ტექნოლოგიების წარმოებისთვის. ამ მასალების იმპორტის ლიცენზიის მისაღებად, გერმანული კომპანიები ახლა ვალდებულნი არიან, ჩინეთს მიაწოდონ დეტალური და კონფიდენციალური ინფორმაცია, მათ შორის წარმოების დიაგრამები, პროდუქტის ფოტოები, მომხმარებელთა სიები და წლიური წარმოების მოცულობა.

კომპანიები იძულებულნი არიან დაიცვან ახალი მოთხოვნები, რითაც, ფაქტობრივად, ოფიციალურ პეკინს გაუმჟღავნებს თავიანთ სავაჭრო საიდუმლოს.

სააგენტოს თანახმად, გერმანიის მთავრობა აღიარებს საფრთხეს, მაგრამ არ გააჩნია ეფექტიანი ბერკეტები. კომპანიები ასევე ხვდებიან, რომ ჩინეთზე დამოკიდებულება საშიშია, მაგრამ თუ ისინი დაიწყებენ სხვა იშვიათ მიწა ელემენტების მომწოდებლების ძებნას, ეს ძვირი დაჯდება - მათ მოუწევთ მიწოდების ჯაჭვების, ლოგისტიკის, კონტრაქტების და შესაძლოა, ტექნოლოგიების შეცვლა.

როგორც Bloomberg-ი წერს, აღნიშნული მიზეზების გამო, ბიზნესის წარმომადგენლები აცხადებენ: „ჩვენ მზად ვართ ჩვენი მარაგების დივერსიფიკაციისთვის, მაგრამ მხოლოდ იმ შემთხვევაში, თუ სახელმწიფო ამ ხარჯებს აგვინაზღაურებს“. ხელისუფლება, თავის მხრივ, ამბობს, რომ ეს თავად კომპანიების პასუხისმგებლობაა.