აშშ-ის პრეზიდენტი ჯო ბაიდენი აცხადებს, რომ „მოუთმენლად ელის“ ღაზას სექტორში ცეცხლის შეწყვეტისა და მძევლების გათავისუფლების შეთანხმების „სრულად განხორციელებას“.

„ამდენი ტკივილის, ნგრევისა და სიცოცხლის დაკარგვის შემდეგ, დღეს იარაღი გაჩუმდა“, - აცხადებს ბაიდენი.

ბაიდენი აცხადებს, რომ ოთხ ებრაელ ქალს გაათავისუფლებენ მომავალ შაბათს - რაც ისრაელის ხელისუფლებას ჯერ არ დაუდასტურებია.

ისრაელმა ჯერ დანამდვილებით არ იცის, პირველ ეტაპზე გათავისუფლებული 33 მძევლიდან რამდენია ცოცხალი, მაგრამ მიიჩნევს, რომ მათი დიდი უმრავლესობა ცოცხალია.

ბაიდენი აღნიშნავს, რომ მას ეცნობა, რომ სამი მძევალი, რომელიც რამდენიმე წუთის წინ გაათავისუფლეს, „როგორც ჩანს, ჯანმრთელები არიან“.

ბაიდენი აღნიშნავს, რომ პირველი ეტაპის მე-16 დღეს, დაიწყება არაპირდაპირი მოლაპარაკებები ისრაელსა და „ჰამასს“ შორის შეთანხმების მეორე ეტაპის პირობებთან დაკავშირებით - როდესაც დარჩენილი ცოცხალი მძევლები გათავისუფლებას აპირებენ.

კითხვაზე, არის თუ არა ის შეშფოთებული ღაზაში „ჰამასის“ აღდგენით, ბაიდენი პასუხობს: „არა“.

ბაიდენი აღნიშნავს, რომ ცეცხლის შეწყვეტის შეთანხმება საშუალებას იძლევა ყოველ დღე, კვირას,  ღაზაში რამდენიმე ასეული სატვირთო ჰუმანიტარული დახმარების მანქანა შევიდეს.