აშშ-ის ვიცე-პრეზიდენტმა ჯ.დ. ვენსმა განაცხადა, რომ აშშ ძალიან ბევრს მუშაობს დიდ ბრიტანეთთან სავაჭრო შეთანხმების მისაღწევად.

აშშ-ის ვიცე-პრეზიდენტმა აღნიშნა, რომ არსებობს კარგი შესაძლებლობა, რომ ორივე მხარე მივა შეთანხმებამდე.

„ჩვენ, რა თქმა უნდა, ძალიან გულმოდგინედ ვმუშაობთ კირ სტარმერის მთავრობასთან სავაჭრო შეთანხმებაზე“, - განაცხადა  ვენსმა.

ვენსმა, ასევე, აღნიშნა, რომ აშშ-ის პრეზიდენტს დონალდ ტრამპს „ძალიან უყვარს დიდი ბრიტანეთი“.

„მას უყვარდა დედოფალი. ის აღფრთოვანებულია და უყვარს მეფე. ეს ძალიან მნიშვნელოვანი ურთიერთობებია. ასევე, ტრამპი ბიზნესმენია და აქვს რიგი მნიშვნელოვანი ბიზნესკავშირები ბრიტანეთში“, - აცხადებს აშშ-ის ვიცე-პრეზიდენტი.

მისი თქმით, ბრიტანეთსა და აშშ-ის შორის ურთიერთობები გაცილებით უფრო ღრმაა, რაშიც გულისხმობს „ნამდვილ კულტურულ ნათესაობას“.

„ვფიქრობ, რომ არსებობს კარგი შანსები, რომ დიახ, ჩვენ მივაღწევთ დიდ შეთანხმებას, რომელიც ორივე ქვეყნის ინტერესებში იქნება“, - დასძინა ვენსმა.