აშშ-ის თავდაცვის მდივანმა განაცხადა, რომ ტრამპთან ერთად ჩინეთს ეწვევა
აშშ-ის თავდაცვის მდივანმა პიტ ჰეგსეთმა კანონმდებლებს განუცხადა, რომ ის პრეზიდენტ დონალდ ტრამპთან ერთად იქნება ჩინეთში მისი სახელმწიფო ვიზიტის დროს.
ტაივანისთვის იარაღის მიყიდვის სტატუსის შესახებ კითხვაზე ჰეგსეთმა უპასუხა: „პრეზიდენტი ვიზიტით მიემგზავრება და მე მასთან ვიქნები და ის მიიღებს ამასთან დაკავშირებულ ყველა გადაწყვეტილებას“.
ცნობისთვის, აშშ-ის პრეზიდენტის ოფიციალური ვიზიტი ჩინეთში 13-15 მაისს შედგება.
ჩინეთში ირანის ელჩმა რაჰმანი ფაზლიმ განაცხადა, რომ პეკინს „შეუძლია იყოს მნიშვნელოვანი ძალა აშშ-სა და ირანს შორის დაძაბულობის შესამცირებლად“.
ტრამპმა 11 მაისს განაცხადა, რომ ირანთან ცეცხლის შეწყვეტის შეთანხმება „წარმოუდგენლად სუსტია“. ჰეგსეთმა აღნიშნა, რომ აშშ-ის სამხედროები მზად არიან, განაახლონ ოპერაციები ირანის წინააღმდეგ, თუ ამის ბრძანება მიეცემათ.
