სენატის უმრავლესობის ლიდერმა ჯონ ტუნმა განაცხადა, რომ აშშ-ის სენატში რუსეთისა და მისი სავაჭრო პარტნიორების წინააღმდეგ ახალი სანქციების შესახებ კანონპროექტის მიღება გადაიდო. მის სიტყვებს Politico ციტირებს.

ტუნის თქმით, აშშ-ის სენატში რუსეთისა და მისი სავაჭრო პარტნიორების წინააღმდეგ ახალი სანქციების შესახებ კანონპროექტის მიღება აშშ-ის პრეზიდენტ დონალდ ტრამპსა და კრემლის ლიდერ ვლადიმერ პუტინს შორის შეხვედრამდე გადაიდო.

„ვფიქრობ, მათ უნდა ნახონ, როგორ ჩაივლის პუტინთან ეს შეხვედრა რამდენიმე კვირაში“, - განაცხადა მან.

სენატის უმრავლესობის ლიდერმა აღნიშნა, რომ ის მჭიდრო კონტაქტშია რესპუბლიკელ ლინდსი გრეჰემთან, რომელიც თეთრ სახლთან სანქციებს კოორდინაციას უწევს.

„ვფიქრობ, [გრეჰემი] ამჟამად თეთრ სახლთან მუშაობს იმის დასადგენად, იქნება თუ არა ეს შეხვედრა, რომელიც რამდენიმე კვირაში უნდა გაიმართოს, პროდუქტიული“, - დასძინა ტუნმა.

გარდა ამისა, ანონიმურმა წყარომ ასევე აღნიშნა, რომ კანონპროექტი, „ფაქტობრივად, გაყინულია“ ტრამპისა და პუტინის შეხვედრამდე.