აშშ-ის სახელმწიფო ვალი დონალდ ტრამპისა და ჯო ბაიდენის პრეზიდენტობის დროს გაორმაგდა და 40 ტრილიონ დოლარს პირველად გადააჭარბა. ამის შესახებ Reuters-ი წერს. 

აშშ-ის ფინანსთა სამინისტროს განცხადებით, სახელმწიფო ვალის მთლიანი მოცულობა 40.047 ტრილიონ დოლარს შეადგენს, რაც მოიცავს მოქალაქეების მიერ შეძენილ ფასიან ქაღალდებს 32.266 ტრილიონი დოლარის ოდენობით და სამთავრობათაშორისო ვალს 7.78 ტრილიონის ოდენობით.

10 წელზე ნაკლებ დროში შეერთებული შტატების სახელმწიფო ვალი გაორმაგდა — დონალდ ტრამპის პირველი საპრეზიდენტო ვადის დასაწყისში არსებულ 19.95 ტრილიონ დოლართან შედარებით. ამ გაორმაგების დაახლოებით ერთი მესამედი ტრამპისა და ყოფილი პრეზიდენტის ჯო ბაიდენის მიერ COVID-19-ის პანდემიაზე რეაგირებისთვის მთავრობის მიერ ორი წლის განმავლობაში სესხების აღების დროს მოხდა, ხოლო დანარჩენი განპირობებულია ორივე პრეზიდენტის მიერ არჩეული ფისკალური პოლიტიკით და გადასახადებისა და ხარჯების ხანგრძლივი დისბალანსით.

გასულ კვირას აშშ-ის ფინანსთა სამინისტრომ ქვეყნის ისტორიაში მეოთხე უდიდესი ყოველთვიური ბიუჯეტის დეფიციტის შესახებ განაცხადა, რომელმაც ივლისში 432 მილიარდ დოლარს მიაღწია.

კითხვას, უნდა წუხდნენ თუ არა ამერიკელები ობლიგაციების ბაზრის არასტაბილურობით, ტრამპმა უარყოფითად უპასუხა. 

„ჩემი აზრით, სულაც არა. ვფიქრობ, ჩვენი ქვეყანა ძალიან ძლიერია“, - განაცხადა აშშ-ის პრეზიდენტმა და დასძინა, რომ საპროცენტო განაკვეთების შემცირება აუცილებელია.