უკრაინის საგარეო საქმეთა მინისტრმა ანდრეი სიბიგამ აღნიშნა ტონისა და შეფასებების დადებითი ცვლილება „დიდი შვიდეულის“ ლიდერების მიერ უკრაინის შესახებ გაკეთებულ განცხადებაში. ამის შესახებ სიბიგამ სოციალურ ქსელ X-ზე დაწერა.

მან აღნიშნა, რომ უკრაინული მხარე მიესალმება „დიდი შვიდეულის“ გადამწყვეტ განცხადებას, რომელიც უკრაინის მხარდასაჭერად ახალ ნაბიჯებსა და რუსეთზე ზეწოლის გაზრდას ითვალისწინებს. 

„განსაკუთრებით მინდა აღვნიშნო ტონისა და შეფასებების დადებითი ცვლილება, ასევე, მათი უფრო მჭიდრო თანხვედრა უკრაინასა და ჩვენს G7 მოკავშირეებს შორის. ჩვენ მივესალმებით ასეთ ერთიანობას და სიძლიერეს. „დიდი შვიდეული“ კიდევ ერთხელ ადასტურებს, რომ მსოფლიოს უძლიერესი დემოკრატიები უკრაინის გვერდით დგანან და უკრაინისთვის ყოვლისმომცველი, სამართლიანი და მდგრადი მშვიდობის აღდგენის ერთგულნი არიან“, - ხაზგასმით აღნიშნა მან.

სიბიგამ დასძინა, რომ ეს მხარდაჭერის მნიშვნელოვანი სიგნალია, რომელსაც უკრაინა ძალიან აფასებს.

გარდა ამისა, მისი თქმით, უკრაინა მადლიერია „დიდი შვიდეულის“ მზადყოფნისთვის, მიიღოს კონკრეტული ზომები უკრაინის თავდაცვის პოტენციალის, საჰაერო თავდაცვისა და ენერგეტიკული მდგრადობის გასაძლიერებლად, ასევე, გაამკაცროს რუსეთის წინააღმდეგ სანქციები.

„მიუხედავად იმისა, რომ რუსეთი არ ავლენს მზადყოფნას, ჩაერთოს კეთილსინდისიერ დიპლომატიაში, აუცილებელია, გამოვიყენოთ გავლენის არსებული ბერკეტები, რათა საბოლოოდ ვაიძულოთ ის, მოლაპარაკებების მაგიდასთან დაჯდეს“, - დაასკვნა მან.

Following President @ZelenskyyUA’s work at the summit in Evian yesterday, we welcome the strong G7 statement with new steps to support Ukraine and increase pressure on Russia.

I want to particularly note the positive change of tone and evaluations, as well as their closer… https://t.co/BDJfB9yAzd

— Andrii Sybiha 🇺🇦 (@andrii_sybiha) June 17, 2026