ირანის საგარეო საქმეთა მინისტრმა აბას არაღჩიმ პეკინში ჩინელ კოლეგასთან მოლაპარაკებები გამართა და განაცხადა, რომ ირანსა და ჩინეთს შორის თანამშრომლობა „ისეთი ძლიერი იქნება, როგორც არასდროს“. ინფორმაციას CNN-ი ირანის სახელმწიფო მედიაზე დაყრდნობით ავრცელებს. 

საინფორმაციო სააგენტო Mehr-ის ცნობით, ჩინეთის მთავარ დიპლომატთან ვანგ იისთან შეხვედრისას აბას არაღჩიმ პეკინს „თეირანის გულწრფელი მეგობარი“ უწოდა.

მან ასევე განაცხადა, რომ „არსებულ ვითარებაში, ორ ქვეყანას შორის თანამშრომლობა უფრო ძლიერი იქნება, ვიდრე ოდესმე“, იტყობინება Mehr-ი.

ირანის სახელმწიფოსთან დაკავშირებული კიდევ ერთი საინფორმაციო სააგენტოს ISNA-ს ცნობით, არაღჩიმ შეხვედრაზე განაცხადა, რომ თეირანი აშშ-სთან „მხოლოდ სამართლიან და ყოვლისმომცველ შეთანხმებას დათანხმდება“.

აღსანიშნავია, რომ ირანისა და ჩინეთის უმაღლეს დიპლომატებს შორის მოლაპარაკებები მომავალ კვირას პეკინში აშშ-ის პრეზიდენტ დონალდ ტრამპსა და ჩინეთის ლიდერ სი ძინპინს შორის დაგეგმილ შეხვედრამდე გაიმართა.