ზელენსკი: არის მკაფიო სიგნალი, რომ ჩინეთი მხარს უჭერს უკრაინის ტერიტორიულ მთლიანობას და არ მიაწვდის რუსეთს იარაღს
![](https://newshub.ge/uploads/files/2024/07/10/107092/volodimir-zelenski_w_h.jpeg)
უკრაინის პრეზიდენტმა ვოლოდიმირ ზელენსკიმ საგარეო საქმეთა მინისტრ დმიტრო კულებას ჩინეთში ვიზიტზე ისაუბრა და აღნიშნა, რომ კულებას მიერ გამართული შეხვედრების შედეგად, ოფიციალური პეკინის მხრიდან არის სიგნალი, რომ ჩინეთი მხარს უჭერს უკრაინის ტერიტორიულ მთლიანობას.
უკრაინის პრეზიდენტის თქმით, კულებას ვიზიტის დროს, ასევე, დადასტურდა, რომ ჩინეთი რუსეთს იარაღს არ მიაწვდის.
„ეს მრავალი წლის განმავლობაში უკრაინელი ოფიციალური პირის პირველი ვიზიტია ჩინეთში და ეს კარგია. არის მკაფიო სიგნალი, რომ ჩინეთი მხარს უჭერს უკრაინის ტერიტორიულ მთლიანობას და სუვერენიტეტს. კულებამ, ასევე, დაადასტურა ის, რაც მითხრა ჩინეთის ლიდერმა სი ძინპინმა, რომ ჩინეთი არ მიაწვდის რუსეთს იარაღს, ველოდები მინისტრის დეტალურ ანგარიშს უკრაინაში დაბრუნების შემდეგ“, - აღნიშნა ზელენსკიმ.