უკრაინა Gripen C/D სერიის მოიერიშე თვითმფრინავების პირველ სერიას 2027 წლის დასაწყისში მიიღებს, ხოლო E სერიის თვითმფრინავებს - 2030 წლისთვის, - ამის შესახებ შვედეთის პრემიერ-მინისტრმა ულფ კრისტერსონმა უკრაინის პრეზიდენტ ვოლოდიმირ ზელენსკისთან ერთად გამართულ ერთობლივ პრესკონფერენციაზე განაცხადა, იტყობინება UNIAN-ის კორესპონდენტი.

როგორც მედია წერს, ორივე სახელმწიფოს ლიდერებმა ხელი მოაწერეს დეკლარაციას უკრაინასა და შვედეთს შორის თავდაცვის სფეროში თანამშრომლობის გაღრმავების შესახებ.

კრისტერსონის თქმით, Gripen-ის გამანადგურებლები უკრაინისთვის საუკეთესო არჩევანია და მის საჰაერო თავდაცვას გააძლიერებს. უკრაინელმა პილოტებმა უკვე იფრინეს ამ თვითმფრინავებით.

„ახლა ჩვენ ამ ერთობლივ გზაზე ნაბიჯს ვდგამთ წინ. გადავცემთ Gripen-ს. უკრაინა შეიძენს Gripen E სერიის 22 მოიერიშე თვითმფრინავს. მოლაპარაკებები მიმდინარეობს. ჩვენ ვასრულებთ მოლაპარაკებებს და 2030 წლისთვის შევძლებთ ამ თვითმფრინავების მიწოდებას“, - აღნიშნა შვედეთის პრემიერმა.

მისი თქმით, შვედეთი უკრაინას ასევე, ორმხრივი დახმარების სახით, Gripen C/D ტიპის 16 მოიერიშე თვითმფრინავს გადასცემს.