სამხედრო ექსპერტი: რუსეთი დონეცკის რეგიონში საზღვაო ქვეითებს აგზავნის, თუმცა უზარმაზარ დანაკარგებს განიცდის
რუსი ჯარები, დანაკარგების მიუხედავად, დონეცკის ოლქის დობროპოლის მიმართულებით თავდასხმებს აგრძელებენ, სადაც საზღვაო ქვეითთა ნაწილები არიან ჩართულნი, - ამის შესახებ სამხედრო ექსპერტმა და უკრაინის მოხალისეთა არმიის წარმომადგენელმა სერგეი ბრატჩუკმა „კიევ24“-ის ეთერში განაცხადა.
„მოწინააღმდეგე შეტევას ცდილობს. სხვათა შორის, სწორედ იქ აგზავნის საზღვაო ქვეითების დანაყოფებს. ისინი უზარმაზარ დანაკარგებს განიცდიან“, - აღნიშნა ბრატჩუკმა.
ექსპერტის თქმით, ამ დანაყოფებს მომზადების დაბალი დონე აქვთ.
ბრატჩუკმა ხაზგასმით აღნიშნა, რომ დონეცკის ოლქი მოწინააღმდეგისთვის პრიორიტეტულ ზონად რჩება.
გარდა ამისა, მან დასძინა, რომ ხერსონის ოლქში დნეპრის მიმართულებით რუსი ოკუპანტები კუნძულებზეც კი ვერ ახერხებენ პოზიციების დამკვიდრებას და ამიტომ ისინი ძირითად ძალისხმევას დონეცკის ოლქზე ამახვილებენ.
