პოკროვსკში რუსები უკრაინის თავდაცვის ძალების პოზიციებზე თავდასხმების რაოდენობას ზრდიან. ყველაზე ინტენსიური ბრძოლები ინდუსტრიული ზონის ტერიტორიაზე გრძელდება, - ამის შესახებ ინფორმაციას უკრაინის შეიარაღებული ძალების საჰაერო-სადესანტო თავდასხმის ძალების მე-7 სწრაფი რეაგირების ძალები ავრცელებს.

ინფორმაციაში აღნიშნულია, რომ მებრძოლები თავდაცვით ზოლს იცავენ. ბოლო კვირის განმავლობაში 236 რუსი ჯარისკაცი განადგურდა. კიდევ 136 მოწინააღმდეგის ჯარისკაცი დაიჭრა.

„ჩვენმა ჯარისკაცებმა, ასევე, გაანადგურეს 1 ტანკი, 3 ჯავშანტექნიკა, ასევე, 23 ერთეული მსუბუქი ავტომობილი და მოტოციკლი“, - განაცხადეს უკრაინის თავდაცვის სამინისტროს ძალებმა.

მებრძოლების თქმით, რუსებმა გასულ კვირას უკრაინულ დანაყოფებს 132-ჯერ შეუტიეს. ეს თითქმის 20%-ით მეტია წინა კვირასთან შედარებით. გარდა ამისა, უკრაინელი სამხედროები აჩერებენ მოწინააღმდეგის მცდელობას, დამკვიდრდეს პოკროვსკის მაღალსართულიან შენობებში.

„პოკროვსკის ჩრდილოეთ ნაწილში რუსების ლიკვიდაცია გრძელდება. ყველაზე ინტენსიური ბრძოლები ამჟამად ინდუსტრიულ ზონაში მიმდინარეობს. ამ ტერიტორიაზე მოწინააღმდეგის მარშრუტები ჩვენი სამხედროების კონტროლის ქვეშაა. ამიტომ, აგრესორს დანაკარგების შესავსებად შეზღუდული შესაძლებლობები აქვს“, - განაცხადა უკრაინის თავდაცვის სამინისტროს მე-7 კორპუსმა.

სამხედროები დასძენენ, რომ მოწინააღმდეგე, ასევე, ცდილობს თავისი ძალების კონცენტრირებას პოკროვსკის სხვა რაიონებსა და დასავლეთ გარეუბანში.

„მირნოგრადის თავდაცვითი ოპერაცია გრძელდება. ლოჯისტიკა უზრუნველყოფილია, საკვებისა და საბრძოლო მასალის მარაგი დროულად ივსება“, - ნათქვამია ანგარიშში.

უკრაინის თავდაცვის ძალების მე-7 კორპუსმა განაცხადა, რომ რუსები მირნოგრადზე სამხრეთ-აღმოსავლეთიდან თავდასხმას ცდილობენ. თუმცა, უკრაინის თავდაცვის ძალები ქალაქის მისადგომებთან დამპყრობლის განადგურებას ახერხებენ.

ექსპერტის თქმით, აღმოსავლეთ უკრაინაში, კერძოდ, მირნოგრადსა და პოკროვსკში, ვითარება კვლავ რთული რჩება, თუმცა უკრაინის თავდაცვის ძალები კვლავ მნიშვნელოვან პოზიციებს იკავებენ.