„რუსეთი და უკრაინა ატომური ენერგიის საერთაშორისო სააგენტოს შუამავლობით ზაპოროჟიეს ელექტროსადგურთან ცეცხლის დროებით შეწყვეტაზე შეთანხმდნენ“, - ამის შესახებ ინფორმაციას ატომური ენერგიის საერთაშორისო სააგენტოს დირექტორი რაფაელ გროსი ავრცელებს.

მან მადლობა გადაუხადა ორივე მხარეს მიღწეული შეთანხმებისთვის და „სიჩუმის ფანჯრის“ უზრუნველყოფისთვის, რაც საჭიროა ზაპოროჟიეს ატომური ელექტროსადგურისა და ზაპოროჟიეს თბოელექტროსადგურის გამანაწილებელ ქვესადგურებს შორის ელექტროენერგიის მიწოდების აღსადგენად.

როგორც გროსი აცხადებს, სარემონტო სამუშაოები რამდენიმე დღე გაგრძელდება.

ცნობისთვის, ზაპოროჟიეს ატომური ელექტროსადგურის კონტროლისა და მართვის საკითხი ამ დრომდე იმ სადავო თემებს შორისაა, რომელიც უკრაინაში ომის დასრულების გეგმის ფარგლებში განიხილება.

Crucial power line repairs begin near Ukraine‘s ZNPP following another IAEA-brokered local ceasefire, DG @rafaelmgrossi says. IAEA team is monitoring repairs expected to last a few days, as part of persistent efforts to prevent nuclear accident during military conflict.
DG… pic.twitter.com/HjYjR4KPo2

— IAEA - International Atomic Energy Agency ⚛️ (@iaeaorg) December 28, 2025