პოკროვსკში სიტუაცია ამჟამად კრიტიკულია. უკრაინის დამცველებისთვის სულ უფრო რთული ხდება ტერიტორიის დივერსიული და სადაზვერვო ჯგუფისგან გაწმენდა, - ამის შესახებ  68-ე ბრიგადის ბატალიონის მეთაურმა ვიაჩესლავ ლიუტიმ განაცხადა.

„ჩემი აზრით, პოკროვსკში სიტუაცია უკიდურესად კრიტიკულია, ვერ ვიტყვი, რომ ის კონტროლს ექვემდებარება. რა თქმა უნდა, ჩვენს სარდლობას აქვს განზრახვა აღადგინოს სტაბილიზაცია, მაგრამ, სამწუხაროდ, DRG-ების დიდი რაოდენობა შემოდის და ქაოსს იწვევს ჩვენს წესრიგსა და ლოჯისტიკაში. ბევრი დანაყოფია, მათი ეფექტურად განადგურება და დროული რეაგირებაა საჭირო“, - აღნიშნა მან. 

როგორც ბატალიონის მეთაური აღნიშნავს, ქალაქის რუსული ძალებისგან გაწმენდა რთულია, რადგან თითქმის შეუძლებელია ყველა ხვრელისა და ნაპრალის დათვალიერება და მოწინააღმდეგის აღმოჩენა. უფრო მეტიც, რუსები ყველგან არ ჩანან, ისინი გარკვეულ ინსტრუქციებს მისდევენ.

„რუსი ჯარისკაცები ყველგან არ ჩნდებიან, ისინი სხვადასხვა ინსტრუქციებს მისდევენ, შენიღბულები არიან. მოწინააღმდეგე განადგურებულია იქ, სადაც ადრე გამოჩნდა. მაგრამ ამ ეტაპზე ოკუპანტები კვლავ ქაოსურად მოძრაობენ ქალაქში“, - დასძინა მან.