ისრაელი სამხრეთ ლიბანში „ჰეზბოლას“ ოპერატიულ ჯგუფებსა და ინფრასტრუქტურას თავს დაესხა
ისრაელის თავდაცვის ძალებმა განაცხადა, რომ სამხრეთ ლიბანში „ჰეზბოლას“ ოპერატიულ ჯგუფებსა და ინფრასტრუქტურაზე თავდასხმა განახორციელა.
ისრაელის თავდაცვის ძალების ინფორმაციით, დღეს საჰაერო და საარტილერიო დარტყმები სამხრეთ ლიბანში, ისრაელის მიერ კონტროლირებადი უსაფრთხოების ზონის ჩრდილოეთით განხორციელდა.
ისრაელის თავდაცვის ძალების ცნობით, სამიზნეებში შედიოდა რაკეტების გამშვები რაზმები, რომლებიც ისრაელის ჯარებსა და ისრაელზე თავდასხმებს გეგმავდნენ, რაკეტების გამშვები მოწყობილობა, იარაღის საწყობი და დაჯგუფების მიერ გამოყენებული სხვა შენობები.
„ჰეზბოლა“ უარყოფს ისრაელის პრემიერ-მინისტრის ბენიამინ ნეთანიაჰუს ბრალდებას, რომ ის საფრთხეს უქმნის ლიბანში ცეცხლის შეწყვეტის შეთანხმებას და აცხადებს, რომ გააგრძელებს რეაგირებას ისრაელის მიერ სამხრეთ ლიბანში ზავის დარღვევებსა და ოკუპაციაზე.
