„ვესტ ჰემს და ლანსს უარი უთხრა, მისთვის რომა და „მონაკო“ იბრძვიან“ - Romapress
საქართველოს ეროვნული ნაკრებისა და ფრანგული „მეცის“ ფეხბურთელის გიორგი მიქაუტაძის შესაძლო ტრანსფერი მედიაში აქტიურად განიხილება.
როგორც Romapress წერს, ვრცელდება ცნობები, რომ გიორგი მიქაუტაძემ უკვე უარით გაისტუმრა ვესტ ჰემი და ლანსი. ახლა კი, მიქაუტაძის გადასაბირებლად მონაკო და რომა იბრძვიან.
Georges Mikautadze is said to have rejected West Ham and Lens: Roma and Monaco the only two clubs left in the race https://t.co/BEdUsZNAzp
— RomaPress (@ASRomaPress) July 10, 2024
„რომა მონაკოსთან იბრძვის გიორგი მიქაუტაძისთვის“, - წერს Romapress.
Roma in race with Monaco for George Mikautadze https://t.co/FKomVUH3fw
— RomaPress (@ASRomaPress) July 10, 2024
გიორგი მიქაუტაძის მოსალოდნელ ტრანსფერთან დაკავშირებით კომენტარი გააკეთა „მეცის“ პრეზიდენტმა, ბერნანდ სერინმა, რომლის თქმითაც, 23 წლის ქართველის შესახებ მნიშვნელოვან ცნობებს მომავალ კვირას უნდა ველოდოთ.
„მასთან დაკავშირებით კონკურენციაა. რამდენიმე კლუბია დაინტერესებული და საქმე ნელა მიდის, თუმცა შემდეგ კვირაში, შესაძლოა სიტუაცია დაჩქარდეს და მნიშვნელოვანი სიახლეები იყოს“, - განუცხადა მან Moselle TV-ს.
შეგახსენებთ, „მეცმა“ გიორგი მიქაუტაძე ამსტერდამის „აიაქსიდან“ 13 მილიონ ევროდ გამოისყიდა. ქართველმა ფეხბურთელმა ლიგა 1-ის გასულ სეზონში 22 შეხვედრაში 14 გოლი გაიტანა, ხოლო ევროპის ჩემპიონატზე ოთხ მატჩში 3 გოლი გაიტანა და 1 საგოლე პასი გააკეთა, რითაც ის ევრო 2024-ის ბომბარდირთა დავაში მოწინავე პოზიციაზე რჩება.
