1719727861
სპორტი
საქართველოს ეროვნული ნაკრები დღეს ესპანეთს დაუპირისპირდება
დღეს საქართველოს ეროვნული საფეხბურთო ნაკრები ევროპის ჩემპიონატის მერვედფინალურ მატჩს ესპანეთის ნაკრების წინააღმდეგ თბილისის დროით 23 საათზე გამართავს.
ევროპის ჩემპიონატზე პირველი მატჩი საქართველოს ნაკრებმა 18 ივნისს, თურქეთთან გამართა და 1:3 დამარცხდა, 22 ივნისს ჩეხეთის ნაკრებთან შეხვედრა კი ფრედ, 1:1 დაასრულა და ევროპის ჩემპიონატზე პირველი ქულა მოიპოვა.
26 ივნისს საქართველოს ნაკრებმა ჯგუფური ეტაპის მესამე მატჩში პორტუგალია 2:0 დაამარცხა და თავის პირველ ევროპის ჩემპიონატზე პლეი-ოფში გავიდა.
გამარჯვების შემთხვევაში საქართველო მეოთხედფინალის საგზურს მოიპოვებს და მისი მომდევნო მეტოქე გერმანია იქნება.