საქართველოს 19 წლამდე ნაკრებმა ელიტრაუნდის საგზური მოიპოვა
საქართველოს 19 წლამდე ნაკრებმა ევროპის ჩემპიონატის პირველი საკვალიფიკაციო ეტაპი დაძლია.
ლაშა ფირცხალაიშვილის გუნდი ბოლო ტურში ესტონეთს დაუზავდა და სასურველ შედეგს მიაღწია. მეტოქე მე-17 წუთზე მაქსიმ კალიმულინის გოლით დაწინაურდა, რომელმაც პენალტი გაიტანა რასაც ტაიმის მიწურულს ქართველებმა ოსკარ პიჰელას ავტოგოლით უპასუხეს.
მეორე ნახევარში ანგარიში აღარ შეცვლილა და მატჩი ფრედ, 1:1 დასრულდა. შედეგად, საქართველოს ნაკრებმა ჯგუფში 4 ქულით მეორე ადგილი დაიკავა, ბურთების ბალანსით აჯობა იმავე ესტონეთს, რომელსაც 4 ქულით მესამე ადგილი ერგო.
შესაბამისად, საქართველოს 19 წლამდე ნაკრები, ნორვეგიასთან ერთად მეორე შესარჩევ ეტაპზე, ელიტრაუნდში გავიდა.
ელიტ-რაუნდში 7 ჯგუფი იქნება, რომელთა გამარჯვებულები უკვე ევროპის ჩემპიონატზე გავლენ, რომელიც 2025 წლის ივნისში რუმინეთში ჩატარდება.
