მკლავჭიდის საერთაშორისო ფედერაციის (IFA) ეგიდით, რუმინეთში, ქალაქ კოლდეაში 11-15 ივნისს ჩატარდა ევროპის ჩემპიონატი, სადაც ომის ვეტერანი, ზვიად ხაჩიძე ასპარეზობდა. მან ძალები გამოცადა როგორც ვეტერან, ისე პარასპორტსმენებს შორის, იბრძოლა ორივე ხელით და ორი ოქროს მედლის მფლობელიც გახდა.

ზვიად ხაჩიძე, ასევე, ევროპის საუკეთესო ვეტერან სპორტსმენად დასახელდა და სპეციალური პრიზი გადაეცა.

აღსანიშნავია, რომ ზვიად ხაჩიძე არის მკლავჭიდში მსოფლიოსა და ევროპის მრავალგზის ჩემპიონი.

აღნიშნული ჩემპიონატი, წელს, მეხუთედ ჩატარდა და მასში 21 ქვეყნის 350 სპორტსმენი - ახალგაზრდა და სინიორი, ვეტერანი და პარასპორტსმენი ქალი და მამაკაცი ათლეტი მონაწილეობდა. საქართველოდან 9 სპორტსმენი ასპარეზობდა. ქართველმა ათლეტებმა, ევროპის ჩემპიონატი, 9 ოქროს, 4 ვერცხლისა და 3 ბრინჯაოს მედლით დაასრულეს.

ვეტერანების საქმეთა სახელმწიფო სამსახური, საქართველოს ვეტერანები, ულოცავენ ზვიად ხაჩიძეს ევროპის ჩემპიონატზე მოპოვებულ, კიდევ ერთ, ღირსეულ გამარჯვებას და კვლავ წარმატებებს უსურვებენ როგორც პირად, ისე სპორტულ ცხოვრებაში!