1718564570
სპორტი
„ყველაფერს ისროდნენ, ერთ-ერთმა გულშემატკივარმა თავის არეში დაზიანება მიიღო“ - ინგლისელი და სერბი გულშემატკივრები ერთმანეთს დაუპირისპირდნენ
ევროპის ჩემპიონატზე გასამართი პირველი მატჩის წინ, ინგლისის და სერბეთის ნაკრების გულშემატკივრები ერთმანეთს გელზენკირხენში დაუპირისპირდნენ.
ბრიტანული მედიის ინფორმაციით, ჩხუბი ერთ-ერთი ბარის წინ მოხდა. არეულობის დაწყებიდან რამდენიმე ხანში ადგილზე სამართალდამცველები მივიდნენ, თუმცა ერთ-ერთმა გულშემატკივარმა თავის არეში დაზიანება მიიღო.
მალევე, ორასამდე სპეცრაზმელი ინციდენტის ადგილას მივიდა და სიტუაცია განმუხტა.
თვითმხილველების თქმით, სერბ ქომაგებს ყველაფერს ესროდნენ.
