1720434572
სპორტი
ფრანგული მედიის ცნობით, ზურიკო დავითაშვილი კარიერას სენტ-ეტიენში გააგრძელებს
ფრანგული სპორტული გამოცემა L’Equipe საქართველოს ეროვნული ნაკრებისა და ბორდოს ფეხბურთელის, ზურიკო დავითაშვილის ტრანსფერის შესახებ ავრცელებს ინფორმაციას, რომლის მიხედვითაც, 23 წლის ქართველი კარიერას სენტ-ეტიენში გააგრძელებს.
არსებული ცნობით, შეთანხმება უკვე მიღწეულია როგორც ფეხბურთელთან, ისე კლუბების დონეზეც. გამოცემის ინფორმაციით, ბორდო ქართველი შემტევის სანაცვლოდ 6 მილიონ ევროს მიიღებს.
L’Equipe წყაროზე დაყრდნობით აგრეთვე წერს, რომ დავითაშვილი 4-წლიანი კონტრაქტის გასაფორმებლად სენტ-ეტიენში ჩავიდა.
აღსანიშნავია, რომ სენტ-ეტიენი ლიგა 1-ში ასპარეზობს და ჩემპიონის ტიტული 10-ჯერ აქვს მოპოვებული.
