„პარი სენ-ჟერმენის“ მთავარმა მწვრთნელმა ლუის ენრიკემ „ტულუზთან“ მატჩის წინ პრესკონფერენცია გამართა.

ესპანელმა სპეციალისტმა განაცხადა, რომ ხვიჩა კვარაცხელია თავს კარგად გრძნობს.

„კვარაცხელია ძალიან კარგადაა, ჩემსავით იდეალურადაა. ჩემპიონთა ლიგის წილისყრა? გასულ სეზონშიც ასეთი მძიმე იყო. ალბათ, კომპიუტერის ღილაკი არ მუშაობს (იღიმის ). ეს ფორმატია კარგია, მაგრამ ყველა გუნდს განსხვავებული კალენდარი აქვს. ასეთ მეტოქეებთან ქულების დაკარგვა მოსალოდნელია, რადგან ძალიან მაღალი დონეა. არ ვიცი, მოვხვდებით თუ არა, პირდაპირ საუკეთესო 8 გუნდში. ჩვენი მეტოქეების გათვალისწინებით ქულებს დავკარგავთ, 5 მოგება და 3 ფრე გვჭირდება ტოპ 8-ში მოსახვედრად. არ ვიცი, პლეი-ოფამდე ჩვენი გზა გრძელი იქნება თუ მოკლე.

„ბარსელონასთან“ შეხვედრით დადებითი და უარყოფითი განცდები მაქვს. სასიამოვნოა იმ გუნდთან თამაში, რომელიც ჩემი სახლია. „ბარსა“ შესანიშნავ, შემტევ ფეხბურთს თამაშობს.

დონარუმა წავა? არ ვიცი, ეს დამოკიდებულია სატრანსფერო ფანჯარაზე. ჩვეულ რეჟიმში ვაგრძელებთ მუშაობას. იმედი მაქვს, გამოსავალს იპოვის, რადგან ეს მისთვის საუკეთესო იქნება.

„ტულუზთან“ მატჩი? მიჩვეულები ვართ იმ გუნდებთან თამაშს, რომლებიც დაცვიდან გვეთამაშებიან. აქამდე ასე იყო და არ მგონია, ეს ჩემპიონთა ლიგის მოგებას შეეცვალა, ყველა გუნდი ღრმა დაცვით გვეთამაშება. იმედია, გავიმარჯვებთ, ეს იქნება ჩემი მიზანი. ჩვენი სტილი გვაქვს და შესაბამისად ცდილობენ მეტოქეები თავის დაცვას“, - განაცხადა ლუის ენრიკემ.

შეგახსენებთ, „ტულუზი“ – „პარი სენ-ჟერმენის“ მატჩი 31 აგვისტოს, თბილისის დროით 23:05 საათზე გაიმართება.