ზაალ მიქელაძე: „ერთად ვიაროთ მეტად უსაფრთხო, აყვავებული და მშვიდობიანი მომავლისკენ“- ტრამპის უმთავრესი გზავნილია საქართველოს ხელისუფალის მიმართ, დიახ, ის არ ყოფს კანონიერად არჩეულ მთავრობას და ხალხს ერთმანეთისგან
პარტია „ხალხის ძალის“ წევრი, დეპუტატი ზაალ მიქელაძე სოციალურ ქსელში ეხმაურება აშშ-ს პრეზიდენტის, დონალდ ტრამპის წერილს ირაკლი კობახიძის მიმართ.
ტრამპმა კობახიძეს ამერიკის დამოუკიდებლობის 250-ე იუბილეს მილოცვისთვის მადლობა გადაუხადა.
მიქელაძე ხაზს უსვამს, რომ ევრობიუროკრატების საპირისპიროდ, ტრამპს არ განუსხვავებია კანონიერად არჩეული მთავრობა და ქართველი ხალხი.
„მოქმედი ხელისუფალის მიმართ და ტრამპი არ ყოფს ამ მიმართვაში კანონიერად არჩეულ მთავრობას და ხალხს ერთმანეთისგან ბრიუსელის რიგი ჩინოვნიკებისგან განსხვავებით“, - წერს ზაალ მიქელაძე.
დეპუტატი იხსენებს რადიკალური ოპოზიციის განცხადებებსაც უკრაინის შესახებ და წერს, რომ აოხრებული ქვეყნის სანაცვლოდ თანხის შოვნით „აყვავებული მომავალი“ არ ჩანაცვლდება.
მიქელაძე აღნიშნავს იმასაც, რომ გარკვეულ ძალებს ხელს აძლევს პროქსი ომები და რევოლუციური ზრახვები.
„ერთად ვიაროთ მეტად უსაფრთხო, აყვავებული და მშვიდობიანი მომავლისკენ“- უმთავრესი გზავნილია ზესახელწიფოს, აშშ-ის პრეზიდენტის მიერ საქართველოს ხელისუფალის მიმართ.
დიახ მოქმედი ხელისუფალის მიმართ და ტრამპი არ ყოფს ამ მიმართვაში კანონიერად არჩეულ მთავრობას და ხალხს ერთმანეთისგან ბრიუსელის რიგი ჩინოვნიკებისგან განსხვავებით. ზოგიერთი უგვანო/უსამშობლო უსახო აგენტის ნაოცნებარი-განადგურებული, აოხრებული ქვეყნის სანაცვლოდ მილიარდ/ტრილიონების შოვნით( ევრობიუროკრატების მეოხებით) არ ჩანაცვლდება „მშვიდობიანი მომავალი“.
პროქსი ომებიდან ამონაგები ფულით ნასაზრდოები „მაოხრებელი გზირები“ ევროპარლამენტსა თუ სხვადასხვა ქვეყნის მთავრობებში „დიფ სთეითის“ საცეცებს ებღაუჭებიან რევოლუციური ზრახვებით. ხალხისა და ხელისუფლების ურთიერთნდობითა და გონიერებით გვექნება სანუკვარი სამშობლო“, - წერს ზაალ მიქელაძე.
