ამაზე მეტი მარაზმი რა უნდა იყოს, როცა ქვეყნის საქმეს რუსულს უწოდებ და რომ გაიმყარო ამ სიცრუეში მდგომარეობა უცხოელებს ეკითხები, ზუსტად იმ უცხოელებს, რომლის გავლენაზეც არის საუბარი. თუ ეს ასეა, მაშინ გავაუქმოთ ყველა სახელმწიფო ინსტიტუტი, რა საჭიროა და გადავცეთ ჩვენი ქვეყანა ჩვენს პარტნიორებს, - ამის შესახებ ექსპერტი ნინო ფოჩხუა „გამჭვირვალობის კანონთან“ დაკავშირებით წერს.

ფოჩხუას თქმით, ეს კანონი კიდევ უფრო გააძლიერებს ჩვენს სუვერენიტეტს, ჩვენს უსაფრთხოებას და უფრო მაღალ სტანდარტზე აიყვანს ფინანსების გამჭვირვალობას.

მანვე აღნიშნა, რომ ეს კანონი წინ გადადგმული ნაბიჯია ევროპულ გზაზე.

„არა ერთხელ თქმულა თუ რას წარმოადგენს კანონი გამჭვირვალობის შესახებ, მაგრამ ვისაც არ უნდა არ ესმის. მამუკა მდინარაძის ორდღიანმა გამოსვლამ მკაფიოდ გააგებინა ადამიანებს, რომ ეს კანონი ეხება მხოლოდ დეკლარაციის შევსებას, რომელიც ისედაც საქართველოს ყველა იურიდიულ პირს თუ მოქალაქეს ეხება, გარდა ზოგიერთ ამ ქვეყნის მოძულე არასამთავრობო ორგანიზაციისა.

ეს კანონი აძლიერებს საქართველოს სუვერენიტეტს. ამაზე მეტი მარაზმი რა უნდა იყოს, როცა ქვეყნის საქმეს რუსულს უწოდებ და რომ გაიმყარო ამ სიცრუეში მდგომარეობა უცხოელებს ეკითხები, ზუსტად იმ უცხოელებს, რომლის გავლენაზეც არის საუბარი. თუ ეს ასეა, მაშინ გავაუქმოთ ყველა სახელმწიფო ინსტიტუტი, რა საჭიროა და გადავცეთ ჩვენი ქვეყანა ჩვენს პარტნიორებს.

აი ამ აბსურდს ყველა სიხარულით შეხვდება. მაშინ როცა ეს კანონი კიდევ უფრო გააძლიერებს ჩვენს სუვერენიტეტს, ჩვენს უსაფრთხოებას და უფრო მაღალ სტანდარტზე აიყვანს ფინანსების გამჭვირვალობას, აი ამის წინააღმდეგია ოპოზიცია და მასთან აფილირებული არასამთავრობო ორგანიზაციები, არა და ეს კანონი წინ გადადგმული ნაბიჯია ევროპულ გზაზე“, - წერს ფოჩხუა.