„დიუშენის სინდრომის მქონე ბავშვების მხარდაჭერა არ უნდა გახდეს პოლიტიკური სპეკულაციის თემა“, - წერს ანალიტიკოსი ნიკოლოზ მეტრეველი სოციალურ ქსელში. მისი განცხადებით, ახლა ირკვევა, რომ აქტივისტები თანხას არა წამლისთვის, არამედ, ყავარჯნებისთვის, ეტლებისა და იმ საჭიროებებისთვის აგროვებენ, რასაც უკვე წლებია, სახელმწიფო აფინანსებს.

„როგორც ირკვევა, აქტივისტები თანხას აგროვებენ არა წამლის შესაძენად, არამედ ეტლების, ყავარჯნების და სხვა სამედიცინო აქსესუარების შესაძენად. ვინც არ იცის: სახელმწიფო უკვე წლებია აფინანსებს ამ ბავშვების საჭიროებებს და მხოლოდ წელს მიმდინარე პროგრამებისთვის სამი მილიონი ლარია გამოყოფილი. დაფინანსება მოიცავს როგორც სარეაბილიტაციო მომსახურებას, ისე სხვადასხვა სამედიცინო საჭიროებას. აქედან გამომდინარე, საზოგადოების შეცდომაში შეყვანა, თითქოს სახელმწიფო საერთოდ არაფერს აკეთებს, უბრალოდ არასწორია. თუ ვინმეს დამატებითი დახმარების სურვილი აქვს, ეს მისასალმებელია, მაგრამ ადამიანური ტრაგედიების პოლიტიკურ კამპანიად ქცევა და იმის დამალვა, რომ სახელმწიფო პროგრამები უკვე მუშაობს, უკიდურესად არაკეთილსინდისიერია“, - წერს მეტრეველი.