მეგრელიშვილი სააკაშვილზე: ამ წვრილმანი ტყუილების და ბაქიბუქის გამო არასერიოზულად გიყურებენ, ვისაც არ ეზარება, ყველა გეკაიფება
პარტია „გირჩის“ ლიდერი ვახო მეგრელიშვილი სოციალურ ქსელში საქართველოს ყოფილი პრეზიდენტის, მიხეილ სააკაშვილის მიერ რამდენიმე დღის წინ გამოქვეყნებულ პოსტს ეხმაურება, სადაც სააკაშვილი წერს: „ვამაყობ, რომ 1992 წელს საქართველოს ეუთოში გაწევრიანების მოთხოვნა სწორედ მე ჩავიტანე, რაც გახდა დამოუკიდებელი საქართველოს საერთაშორისო ორგანიზაციაში გაწევრიანების პირველი შემთხვევის საფუძველი“.
„რა უცნაური კაცი ხარ მიშა! უამრავი საქმე გაქვს გაკეთებული, ძალიან კარგი საქმეც და ძალიან ცუდიც.
1992 წელს კიევში დაამთავრა უმაღლესი და ამერიკაში წავიდა სწავლის გასაგრძელებლად. რა სტატუსით შეიძლებოდა ჩაეტანა გაწევრიანების მოთხოვნა ეუთოში? საფოსტო მტრედის სტატუსით?
ამ წვრილმანი ტყუილების და ბაქიბუქის გამო არასერიოზულად გიყურებენ და ვისაც არ ეზარება, ქოცებიც და ყოფილი მეგობრებიც, ყველა გეკაიფება. სამწუხაროა“, - წერს ვახო მეგრელიშვილი.
