ჟურნალისტი ჯაბა ხუბუა, ტელეკომპანია „იმედისთვის“ ევროპარლამენტის შენობაში მუშაობის აკრძალვის შესახებ მიღებულ გადაწყვეტილებას სოციალურ ქსელში აფასებს და წერს, რომ ბრიუსელის „პოლიტიკურ ჯოჯოხეთში“ „იმედის“ გარეთ დატოვება, კიდევ ერთხელ ადასტურებს კოლექტიურ იუკნევიჩიენეთა ბოლშევიკურ მისწრაფებებს.

მისი განცხადებით, ევრობიუროკრატებს სურთ, ჩაახშონ ყველანაირი განსხვავებული აზრი და სიტყვა, რაც მათ ნარატივს ეწინააღმდეგება.

„ევრობიუროკრატების ავტორიტარულ გადაწყვეტილებას - ტელეკომპანია „იმედს“ ევროპარლამენტის შენობაში მუშაობა აუკრძალონ, ასოციაციურად მივყავართ დანტე ალიგიერის „ღვთაებრივ კომედიასთან“, რომლის მიხედვითაც, ჯოჯოხეთის შესასვლელში წერია, რომ ყველა იქ შემსვლელმა იმედი გარეთ უნდა დატოვოს.

ჰოდა, ბრიუსელის პოლიტიკურ ჯოჯოხეთში „იმედი“ დატოვეს გარეთ, რაც კიდევ ერთხელ ადასტურებს კოლექტიურ იუკნევიჩიენეთა ბოლშევიკურ მისწრაფებას, ჩაახშონ ყველანაირი განსხვავებული აზრი და სიტყვა, რომელიც მათ ნარატივს ეწინააღმდეგება.

მთელ ამ ამბავში ყველაზე სავალალო კი ის არის, რომ ალიგიერის და გოეთეს ევროპისგან, დღეს ფონ დერ ლაიენისა და კალასის ევროპაღა დარჩა“, - წერს ჯაბა ხუბუა X-ზე.