ექსპერტი დავით ჩიხელიძე ლიეტუვის პარლამენტის (სეიმის) საგარეო ურთიერთობათა კომიტეტის თავმჯდომარის ჟიგიმანტას პავილიონისის განცხადებას გამოეხმაურა. 

ჩიხელიძემ აღნიშნა, რომ საქართველოს შიდა საქმეებში ჩარევის უფლება არავის აქვს.

„ჟიგიმანტას პავილიონისმა საკუთარი განცხადებით ქართველი ამომრჩევლის არჩევანი შეურაცხყო მან უპასუხისმგებლო განცხადებით ზიანი მიაყენა ორი ქვეყნის ურთიერთობას, სამწუხაროდ ბოლო დროს საქართველოს მთავრობის ლანძღვა ერთგვარ ტრენდად იქცა, რასაც სათანადო პასუხი უნდა გაეცეს, ოპოზიციის დაცვის საბაბით ყველა ცდილობს ქართულ პოლიტიკაში ჩარევას, რაც დაუშვებელია, არა მხოლოდ მორალურად, არამედ იურიდიულად. საქართველოს შიდა საქმეებში ჩარევის უფლება არავის აქვს.

საქართველოს ევროპისკენ გზა „ქართული კოშმარის” მიერაა დაბლოკილი, ლიეტუვის პარლამენტის (სეიმის) საგარეო ურთიერთობათა კომიტეტის თავმჯდომარე, ჟიგიმანტას პავილიონისი.

დიდი პრობლემაა, რომ პავილიონისი საკუთარ თავს მსგავსი განცხადების გაკეთების უფლებას აძლევს, მაგრამ უფრო დიდი პრობლემაა რომ პავილიონის საკუთარი განცხადებით სიცრუის ტირაჟირებას ახდენს, რადგან სამთავრობო გუნდზე, რომელმაც ევროპასთან, უვიზო მიმოსვლის, ასოცირების, თავისუფალი ვაჭრობის და მრავალი სხვა ხელშეკრულებები გააფორმა, ასევე მიიღო კანდიდატის სტატუსი, ამბობდე ევროპულ გზას ბლოკავსო, მინიმუმ ნამუსგარეცხილი, უპრინციპო, უინტელექტო ადამიანი უნდა იყო, არ ვიცი პავილიონისის განცხადება რა მიზანს ემსახურება, მაგრამ ფაქტია მსგავსი ტიპიც განცხადებები აზიანებს ორი ქვეყნის ურთიერთობას და საფრთხეს უქმნის საქართველოს ევროინტეგრაციას. ყოველი მსგავსი, ტენდენციური, სიცრუეზე აგებული განცხადება ქართველი ხალხის იმედგაცრუებას და ნიჰილიზმს იწვევს, რადგან ვხედავთ, რომ ფიქცია ყოფილა ის რის გამოც ევროპა ავირჩიეთ“, - აცხადებს ჩიხელიძე.