1773859465
საზოგადოება
თბილისის მუნიციპალური ტრანსპორტი მგზავრებს 21-22 მარტს უფასოდ მოემსახურება
თბილისის მუნიციპალური ტრანსპორტი - ავტობუსები, მიკროავტობუსები და მეტრო - მგზავრებს 21-22 მარტს უფასოდ მოემსახურება. ინფორმაციას თბილისის მერიის პრესსამსახური ავრცელებს.
როგორც განცხადებაშია ნათქვამი, აღნიშნული გადაწყვეტილება სრულიად საქართველოს კათოლიკოს-პატრიარქის, უწმინდესისა და უნეტარესი ილია მეორის დაკრძალვასთან დაკავშირებით შექმნილმა სახელმწიფო კომისიამ მიიღო.
ამავე კომისიის გადაწყვეტილებით, დაინიშნება უფასო ტრანსპორტი რეგიონებიდან თბილისში გამომგზავრების მსურველთათვის. მგზავრებს ასევე უფასოდ მოემსახურება „საქართველოს რკინიგზა“.
დამატებითი რეისები შესრულდება როგორც საავტომობილო, ისე სარკინიგზო ტრანსპორტით.
კათოლიკოს-პატრიარქს 22 მარტს სიონის ტაძარში დაკრძალავენ.
