1752049389
საზოგადოება
კულტურის სამინისტროს მხარდაჭერით, თბილისის ოპერისა და ბალეტის თეატრის სცენაზე კომპოზიტორ მარიკა კვალიაშვილის მუსიკალური პოემა „ტატო“ გაიმართა
საქართველოს კულტურის სამინისტროს მხარდაჭერით, თბილისის ოპერისა და ბალეტის თეატრის სცენაზე კომპოზიტორ მარიკა კვალიაშვილის მუსიკალური პოემა „ტატო“ გაიმართა.
სპექტაკლად ქცეული ორმოქმედებიანი, თორმეტსურათიანი მუსიკალური თხრობა დიდი პოეტის განვლილ ხანმოკლე ცხოვრებასა და ბედისწერაზე მოგვითხრობს. ნიკოლოზ ბარათაშვილთან ერთად გაცოცხლებულია ყველა პერსონაჟი, ვინც დიდი პოეტის ირგვლივ არსებობდა. კოსტიუმირებული წარმოდგენა საოპერო, საესტრადო და ხალხური მუსიკის სინთეზია. სპექტაკლისთვის ოცდაერთი ახალი სიმღერა დაიწერა.
საღამოს საქართველოს კულტურის მინისტრი თინათინ რუხაძე და მინისტრის პირველი მოადგილე მაკა გურგენიძე დაესწრნენ.
კონცერტის დასრულების შემდეგ, თინათინ რუხაძე მარიკა კვალიაშვილს შეხვდა და წარმატებული საღამო მიულოცა.
