1732287703
საზოგადოება
ხანძარი კავკასიონის ქედზე - არსებული ცნობით, ცეცხლი ალპურ ზონაში, ბალახს გაუჩნდა
კავკასიონის ქედზე ხანძარი გაჩნდა. როგორც Newshub.ge-ს საგანგებო სიტუაციების მართვის სამსახურში განუცხადეს, ცეცხლი ალპურ ზონაში, ბალახს გაუჩნდა.
ადგილზე მეხანძრეები მუშაობენ. ცეცხლის ქრობის პროცესში ვერტმფრენის ჩართვის საჭიროება ამ ეტაპზე არ არსებობს.
არსებული ცნობით, უშუალოდ ხანძრის ზონაში არც დასახლება და არც ხე-ტყე არ არის, ხოლო ყველაზე ახლოს მდებარე დასახლება სოფელი საბუეა.
ცეცხლის დანახვა თელავიდანაც არის შესაძლებელი.
