„მოსწავლეები იღებენ ცოდნასა და განათლებას ისეთ მნიშვნელოვან საკითხებზე, როგორიც არის სამშობლოს სიყვარული, პატრიოტული სულისკვეთება, მოყვასის გვერდში დგომა და თანადგომა, ოჯახური ტრადიციები, უფროსის პატივისცემა“, - განუცხადა „იმედის კვირას“ განათლების, მეცნიერებისა და ახალგაზრდობის მინისტრმა გივი მიქანაძემ ღირებულებით განათლებასთან დაკავშირებით.

მინისტრის თქმით, პროგრამა ილია მეორის ლოცვა-კურთხევით დაიწყო.

„მოსწავლეები იღებენ ცოდნასა და განათლებას ისეთ მნიშვნელოვან საკითხებზე, როგორებიც არის სამშობლოს სიყვარული, პატრიოტული სულისკვეთება, მოყვასის გვერდში დგომა და თანადგომა, ოჯახური ტრადიციები, უფროსის პატივისცემა - ყველა ის ღირებულებითი კომპონენტები, რომლითაც ჩვენ აღვიზარდეთ, ჩვენი შვილები გვინდა, რომ აღიზარდონ და რომელიც უმნიშვნელოვანესია იმ კუთხით, რომ საქართველოსთან, ქართულთან, ჩვენს იდენტობასთან არის დაკავშირებული.

პროგრამა დაიწყო ჩვენი უსაყვარლესი, აწ განსვენებული პატრიარქის, ილია მეორის ლოცვა-კურთხევით და პირველივე დღიდან პატრიარქის დავალებით, მაშინ მისი მოსაყდრე, ახლა კი უკვე საქართველოს კათოლიკოს-პატრიარქი შიო მესამე ჩაუდგა პირადად სათავეში ამ პროექტს. ის ძალიან დიდ მნიშვნელობას ანიჭებს მის განხორციელებას, რამეთუ ეს ჩვენი მომავალი თაობის ჯანსაღი აღზრდის საწინდარია“, - აღნიშნა მინისტრმა.