ბათუმის მერია პატრიარქის პანაშვიდსა და დაკრძალვაზე გამგზავრების მსურველებს უფასოდ მოემსახურება
სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის, ილია II-ის პანაშვიდსა და დაკრძალვაზე გამგზავრების მსურველთათვის 21 და 22 მარტს ქალაქ ბათუმის მუნიციპალიტეტის მერია უზრუნველყოფს უფასო ტრანსპორტირებას, - ინფორმაციას ბათუმის მერია ავრცელებს.
„21 მარტი - გამგზავრება 09:00 საათი
22 მარტი - გამგზავრება 05:00 საათი
შეკრების ადგილი: ქალაქი ბათუმი, ცენტრალური სტადიონის - „აჭარაბეთ არენას“ მიმდებარე ტერიტორია.
გამგზავრების მსურველთათვის აუცილებელია წინასწარი რეგისტრაცია. ჩასაწერად გთხოვთ დაგვიკავშირდეთ შემდეგ ნომრებზე:
📱 577 302 644
📱 0422 270119
ასევე, 21 და 22 მარტს პატრიარქის პანაშვიდსა და დაკრძალვაზე გამგზავრების მსურველებს „საქართველოს რკინიგზა“ როგორც რეგულარული, ისე დამატებითი რეისებით უფასოდ გადაიყვანს“, - აღნიშნულია გავრცელებულ ინფორმაციაში.
