1776934899
საზოგადოება
ანგია ბოჭორიშვილის N3 კორპუსთან ეზოს მოწესრიგება მიმდინარეობს
გლდანის რაიონის გამგეობა ანგია ბოჭორიშვილის N3 კორპუსის მიმდებარედ ( ე.წ კარტოგრაფების კორპუსთან ) საგზაო სამუშაოებს ახორციელებს.
გასულ წელს გამგეობამ აღნიშნულ მისამართზე სკვერი მოაწყო, ახლა კი ეზოში ასფალტის საფარს აწესრიგებს.
სამუშაოების ფარგლებში, ასფალტი 1800 კვადრატულ მეტრამდე ფართობზე დაიგება. აღნიშნულისთვის 120 000 ლარი დაიხარჯება.
მიმდინარე სამუშაო პროცესს რაიონის გამგებელი ბესიკ კალაძე და საკრებულოს მაჟორიტარი დეპუტატი ჯაბა კოღუა გაეცნენ.
