1738615720
სამართალი
CO-თი ინტოქსიკაცია რუსთავში - დაიღუპა 2 ადამიანი
რუსთავში, მეგობრობის გამზირზე CO-ს ინტოქსიკაციით 2 ადამიანი დაიღუპა. ინფორმაციას ადგილობრივი მედია „ინფო რუსთავი“ ავრცელებს.
არსებული ცნობით, გაზით, ასევე, მოიწამლა 4 ადამიანი.
როგორც ადგილობრივი მედია წერს, საჰაერო მილიდან მოხდა CO-ს გავრცელება მე-3 და მე-4 სართულის ბინებში, რა დროსაც მე-4 სართულზე მცხოვრები დედა-შვილი დაიღუპა, ხოლო მე-3 სართულზე მცხოვრები 3 არასრულწლოვანი და მათი დედა მოიწამლა.
ოთხივე მათგანი სასწრაფო-სამედიცინო დახმარების ეკიპაჟმა კლინიკაში გადაიყვანა, მათ სიცოცხლეს საფრთხე არ ემუქრება.
ადგილზე სამართალდამცველები და „სოკარ გაზ ჯორჯიას“ წარმომადგენლები იმყოფებოდნენ.
სხვა დეტალები ამ ეტაპზე უცნობია.
