1782840092
სამართალი
ავარია კასპში - დაიღუპა 1 ადამიანი
კასპში ავტოსაგზაო შემთხვევა მოხდა.
არსებული ინფორმაციით, ავარიას მეთორმეტე კლასის მოსწავლე ემსხვერპლა.
შემთხვევის ადგილზე სამართალდამცველები იმყოფებოდნენ.
როგორც საკალათბურთო კლუბი „კასპის გრიფინი“ წერს, ავარიას კალათბურთელი შაკო კავთიაშვილი ემსხვერპლა.
როგორც Newshub.ge-ს შს სამინისტროში განუცხადეს, მომხდარზე გამოძიება სსკ-ის 276-ე მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
