1778842350
სამართალი
აჭარის პოლიციამ დიდი ოდენობით თანხის თაღლითურად დაუფლების ბრალდებით ერთი პირი დააკავა
შინაგან საქმეთა სამინისტროს აჭარის პოლიციის დეპარტამენტის თანამშრომლებმა კომპლექსურად ჩატარებული საგამოძიებო მოქმედებების შედეგად დიდი ოდენობით თანხის და ქონებრივი უფლების მოტყუებით დაუფლების
ფაქტზე მოსამართლის განჩინების საფუძველზე ერთი პირი დააკავეს. ინფორმაციას შსს ავრცელებს.
„გამოძიებით დადგინდა, რომ ბრალდებულმა დაზარალებული დაარწმუნა, რომ გრანტის სახით 5 000 000 აშშ დოლარის მიღებაში დაეხმარებოდა, რის სანაცვლოდაც დაზარალებულს მისთვის 100 000 აშშ დოლარი უნდა გადაეხადა და არარსებული ვალი - 50 000 აშშ დოლარის ოდენობით უნდა ეღიარებინა.
გამოძიება საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით მიმდინარეობს, რაც 9 წლამდე ვადით თავისუფლების აღკვეთას ითვალისწინებს“, - ნათქვამია შსს-ს განცხადებაში..
