1745941370
რეგიონი
სულხან თამაზაშვილი ბათუმში რუსთაველის ქუჩის სარეაბილიტაციო სამუშაოების მიმდინარეობას გაეცნო
აჭარის მთავრობის თავმჯდომარე სულხან თამაზაშვილი ქალაქ ბათუმის მერთან, არჩილ ჩიქოვანთან ერთად რუსთაველის ქუჩის სარეაბილიტაციო სამუშაოების მიმდინარეობას გაეცნო. ინფორმაციას აჭარის მთავრობის პრესცენტრი ავრცელებს.
მათივე ცნობით, პროექტი გულისხმობს არსებული ქვაფენილის ჩანაცვლებას ასფალტის საფარით.
„რუსთაველის ქუჩაზე საგზაო ინფრასტრუქტურასთან ერთად, სრულად განახლდება სანიაღვრე და ენერგოინფრასტრუქტურა, მოეწყობა მიწისქვეშა კომუნიკაციები, ტროტუარი, ბორდიურები, გზაგამყოფი ზოლი მწვანე საფარითა და დეკორატიული ნარგავებით, უსაფრთხოების კუნძულები, შუქნიშნები და საგზაო ნიშნები.
სამუშაოები, რომელსაც რამდენიმე კომპანია ინტენსიური დატვირთვით ასრულებს, უახლოეს პერიოდში დასრულდება“, - ნათქვამია გავრცელებულ განცხადებაში.
