1756108940
რეგიონი
აჭარის მთავრობის ხელშეწყობით სანაპირო ზოლზე დამატებით ახალი სამაშველო საგუშაგოები განლაგდა
აჭარის რეგიონში, შავი ზღვის სანაპირო ზოლზე, მონიტორინგისა და უსაფრთხოების ზომების გაძლიერების მიზნით, აჭარის მთავრობის ხელშეწყობით 10 ახალი სამაშველო საგუშაგო განლაგდა. ამის შესახებ ინფორმაციას აჭარის მთავრობის პრესცენტრი ავრცელებს.
აღნიშნული ცვლილება მიზნად ისახავს შავი ზღვის სანაპიროზე მოქალაქეთა უსაფრთხოების უზრუნველყოფას, განსაკუთრებით, საზღვაო სეზონის პერიოდში.
როგორც აჭარის მთავრობის პრესცენტრში აღნიშნავენ, დამატებითი საგუშაგოები მნიშვნელოვნად გააუმჯობესებს წყლის ზედამხედველობის ეფექტიანობასა და შესაძლო საგანგებო შემთხვევებზე ოპერატიულ რეაგირებას.
