„ეს ზარი არ არის ჩვეულებრივი, ყოველდღიური მოვლენა. რუბიო არის სახელმწიფო მდივანი, რომელსაც სახელმწიფოს სახელით აქვს ლაპარაკის უფლებამოსილება“, - ამის შესახებ საქართველოს პარლამენტის თავმჯდომარის პირველმა მოადგილემ გია ვოლსკიმ ჟურნალისტებს განუცხადა.

მისი თქმით, საქმიანი საუბარი, რომელიც ორივე მხარემ პოზიტიურად შეაფასა, მათთვის გასაგებია.

„ეს ზარი არ არის ჩვეულებრივი, ყოველდღიური მოვლენა. რუბიო არის სახელმწიფო მდივანი, რომელსაც სახელმწიფოს სახელით აქვს ლაპარაკის უფლებამოსილება. ასე, რომ საქმიანი საუბარი, რომელიც ორივე მხარემ პოზიტიურად შეაფასა, რასაკვირველია ჩვენთვის გასაგებია.

გასაგებია მათთვის, ვინც ამის წინააღმდეგია და ზოგადად, საქართველოს სიკეთის წინააღმდეგია. ეს ისტერიკაში აგდებთ მათ, აქედან გამომდინარეობს ის არასწორი ინტერპრეტაციები, რომელსაც ხშირ შემთხვევაში ვისმენთ, გულდასაწყვეტია.

კიდევ ერთხელ ხაზს უსვამს, რომ ჩვენ შიგნით გვყავს უსამშობლოთა ერთი დიდი ბრიგადა, რომელიც ყოველდღიურად ცდილობს ნებისმიერი საკითხი გამოიყენოს სათავისოდ თავისი ბნელი მიზნების მისაღწევად და თუკი რამ პოზიტიური ხდება, ამას ინტერპრეტაციას უკეთებს, რომელიც რეალობიდან მოწყვეტილია“, - აღნიშნა ვოლსკიმ.