„გახარია ხანგრძლივი ემიგრაციისთვის ემზადება“, - ამის შესახებ პარლამენტის თავდაცვისა და უსაფრთხოების კომიტეტის თავმჯდომარის პირველმა მოადგილემ თენგიზ შარმანაშვილმა განაცხადა. 

როგორ შარმანაშვილმა აღნიშნა, „გიორგი გახარია დადის ევროპელ პარტნიორებთან და ყველაფერს აკეთებს იმისთვის, რომ დააზიანოს საქართველო და პირადი პასუხისმგებლობა რომ აირიდოს, ბინადრობაც აუღია“.

„გახარია ხანგრძლივი ემიგრაციისთვის ემზადება. თუ რამის გაფუჭება შეეძლო საქართველოში, გააფუჭა. იქიდანაც არ აკლებს ხელს საქართველოში საქმის გაფუჭებას. დადის ევროპელ პარტნიორებთან და ყველაფერს აკეთებს იმისთვის, რომ დააზიანოს საქართველო და პირადი პასუხისმგებლობა რომ აირიდოს, ბინადრობაც აუღია.

ეს არის მისი „პოლიტიკური სიმამაცის“ მანიშნებელი. ის პირადად ყოველთვის გაურბოდა პასუხისმგებლობას. ჯერ ამბობდა, რომ იმ ცნობილ ღამეს, როდესაც მოხდა ადამიანებისთვის თვალების დათხრა, ყველა ბრძანება თვითონ გასცა. მერე, როდესაც მას პირადად მიაკითხა მართლმსაჯულებამ, შეცვალა ჩვენება და რატომღაც თქვა, რომ საქმის კურსში არ იყო, რომ რეზინის ტყვიების გამოყენებას აპირებდნენ და სხვებს გადააბრალა ეს თავისი ნამოქმედარი,“ - აცხადებს შარმანაშვილი.