შარმანაშვილი: შვედეთის საგარეო საქმეთა მინისტრმა განაცხადა, რომ ქართველი ხალხის მეგობრად რჩება, ასეთი მეგობრობა წარმოუდგენელია, რადგან ხალხს, ვისაც მეგობარს უწოდებ, არეულობისკენ უბიძგებ
ყველასთვის ცნობილია, რა როლს თამაშობდნენ შვედი პოლიტიკოსები იმის წასახალისებლად, რაც საქართველოში ხდებოდა. ისინი აქ მყოფ ადამიანებს პირდაპირ მოუწოდებდნენ მაიდანიზაციისკენ და აცხადებდნენ, რომ ხალხის რაოდენობა საკმარისი არ იყო და იქნებ, ნელ-ნელა გაზრდილიყო, - ამის შესახებ მმართველი გუნდის დეპუტატმა თენგიზ შარმანაშვილმა განაცხადა.
მისი თქმით, გულდასაწყვეტია, როცა სხვა ქვეყანაში მოსახლეობას ასეთი სახის არაკანონიერებისკენ მოუწოდებ.
„მაიდანი როგორ განვითარდა და როგორი მსხვერპლი იყო, ყველამ კარგად იცის. ფაქტობრივად, შვედი პოლიტიკოსები ქართულ მოსახლეობას მსხვერპლისკენ მოუწოდებდნენ.
შვედეთის საგარეო საქმეთა მინისტრმა განაცხადა, რომ ქართველი ხალხის მეგობრად რჩება. ასეთი მეგობრობა წარმოუდგენლად მიმაჩნია, რადგან ხალხს, ვისაც მეგობარს უწოდებ, ისეთი არეულობისკენ უბიძგებ, რომელიც მსხვერპლით უნდა დასრულდეს“, - აღნიშნა შარმანაშვილმა.
